ஒரு பெண் கையில் கரும்பு வைத்திருப்பது போல அழகான கோலம் வரைந்து அதற்கு அழகாக கலர் கொடுத்து நிமிரவும் முதுகு பெயர்ந்தது போல் வலித்தது. தள்ளி நின்று தான் போட்ட கோலத்தை ரசித்து பார்த்த துர்கா... திருப்தியுடன் அனைத்து கலர் பொடி டப்பாக்களையும் எடுத்து அதனிடத்தில் வைத்து விட்டு உள்ளே வர மணி ஐந்தரை...

"ஏய்... துர்கா... கோலம் போட்டு முடிச்சிட்டியா போய் குளிச்சி ரெடியாகி வா... முற்றத்தில்... பொங்கல் வைக்கணுமில்லே" என்றார் பஞ்சவர்ணம்.

"சரிம்மா" என்றவள் குளியலறைக்குள் போக எத்தனிக்க... "நான் குளிச்சதுக்கப்புறம் நீ குளிக்கலாம்" என்றவாறு உள்ளே போன கனகா... திரும்பிப் பார்த்து...

"ஏண்டி துர்கா வேலைக்கு போயிட்டு வர்ற எனக்கே இவ்ளோ களைப்பு...