Mutu uwu chisambizgo chake chenechene "nkhubabikaso na Maji na Mzimu".
Wuli na chiyambi chake cha chisambizgo. Mumayowoyelo ghanyake, buku ili likutiphalira pakweru uko nkhubabikaso kweneso mwakubabikilaso na maji na Mzimu kwakulinganizgana na Baibolo. Maji ghakwimilila ubatizo wa Yesu mu Yordani ndipo Baibolo yikuyowoya kuti zakwananga zithu zose zikaŵikika pa Yesu apo Iyo wakabatizika na Yohane Mubatizi. Yohane wakaŵa wakwimililako mtundu wa ŵanthu ŵose kweneso wa mu banja la Aroni Musofi mulala. Aroni wakagoneka mawoko ghake pa mutu wa mbuzi ya azazeli ndipo wakaŵikapo zakwananga zose za Chirimika chose za ŵa Israeli pa iyo pa Tsiku la Kuphepiskira. Nchizgezge cha vinthu viwemi ivyo vikwiza. Ubatizo wa Yesu nchilinganizgo chakugonekapo mawoko. Yesu wakabatizika mnthowa yakugonekapo mawoko pa Muronga wa Yordani. Ntheura Iyo wakatora zakwananga zose za charu kwizira mu ubatizo Wake ndipo Iyo wakapayikika kuti wazilipile. Kwene Ŵakristu ŵanandi ŵakumanya chara chifukwa icho Yesu wakabatizikira na Yohane Mubatizi mu Muronga wa Yordani. Ubatizo wa Yesu ndiwo mazgu ghakujulira gha buku ili, kweneso chigaŵa chakuzirwa cha Uthenga wa Maji na Mzimu. Tingababikaso pekha pera mwakugomezga mu ubatizo wa Yesu na Mphinjika Yake.