Bushe kuti twasanga shani icishinka ukwafiswa mu mwi Hema? Ni lilya fye twaishibe mbilansuma ya menshi no Mupashi, icine ca mwi Hema, e lyo twingomfwikisha bwino no kwishibo bwasuko kuli ili lipusho.
Mucishinkafye, kolokondwa uwa kafifi, no wa kashikila, no wakashika ce, kabili no wakoswa ifya letimbukila pa mwinshi wa lubansa lwa Ca kwikalamo fitulange milimo ya kwa Yesu Kristu mu nshita ya Cipingo Cipya ukwa pususha abantunse. Muli iyi nshila, Amashiwi ya Cakwikalamo mu Cipango ca Kale kabili ne Mashiwi ya Cipingo Cipya yalampana capamo, nga fye kolokondwa uwakoswa. Lelo, ica mupamba, ici icishinka cali fisemwe pa nshite yitali ku muntu uuli onse uwakufwailishe cishinka mu Bwina Kristu.
Ukwisa pano isonde, Yesu Alibatishiwe na Yohane kabili Asuminwe umulopa Wakwe pa Capindama. Ukwabulo kumfwikisha no kutetekela mu mbilansuma ya menshi no Mupashi, tapengaba umo muli baifwe uwinga sange cishinka ica sokololwa mu ca Kwikalamo. Tulingile nomba ukusambilila ici cishinka icaba mu ca Kwikalamo kabili no kutetekelamo. Tulingile bonse ukwiluka no kutetekela mu cishinka ica tumbuka muli kolokondwa wa kafifi, no wakashikila, no wakashika ce, kabili no wakoswa uwa pa mwinshi wa lubansa lwa Ca kwikalamo.