Stella Mertens, Mark Dejongh en Riaan Steytler probeer elkeen iets uit hul verlede wegsteek . . . maar elke geheim het 'n vervaldatum. Daar is net 'n sekere tydperk wat 'n sekere hoeveelheid mense 'n geheim kan hou. In Vuurvoël, Elmarie Viljoen-Massyn se debuutroman, word donker geheime ontrafel wanneer die oënskynlik uiteenlopende wêrelde van Big Pharma en 'n Serwiese dwelmkartel paaie kruis. 'n Hoogs leesbare roman wat getuig van puik navorsing.