ਮੁੱਖ ਬੰਦ

ਸਾਹਿਤਕ ਵੰਨਗੀਆਂ ਨਾਲ਼ ਭਰਪੂਰ "ਨਵੀਆਂ ਕਲਮਾਂ" ਦੀਪਮਿਮਿਸਟੀ ਪਬਲੀਕੇਸ਼ਨ ਵੱਲੋਂ ਛਾਪਿਆ ਜਾਣ ਵਾਲ਼ਾ ਇੱਕ ਸਾਂਝਾ ਕਾਵਿ ਸੰਗ੍ਰਹਿ ਹੈ। ਇਸ ਕਾਵਿ ਸੰਗ੍ਰਹਿ ਨੂੰ ਛਾਪਣ ਦਾ ਮਕਸਦ ਸਿਰਫ਼ ਨਵੇਂ ਉੱਭਰਦੇ ਲਿਖਾਰੀਆਂ ਨੂੰ ਸਾਹਮਣੇ ਆਉਣ ਦਾ ਮੌਕਾ ਦੇਣਾ ਹੈ, ਉਹਨਾਂ ਦੀਆਂ ਰਚਨਾਵਾਂ ਨੂੰ ਲੋਕਾਂ ਤੱਕ ਪਹੁੰਚਾਉਣਾ ਹੈ। ਇਸ ਸਾਂਝੇ ਕਾਵਿ ਸੰਗ੍ਰਹਿ "ਨਵੀਆਂ ਕਲਮਾਂ" ਵਿੱਚ ਕੁੱਲ ਪੱਚੀ ਕਵੀਆਂ ਅਤੇ ਕਵਿੱਤਰੀਆਂ ਦੀਆਂ ਰਚਨਾਵਾਂ ਸ਼ਾਮਿਲ ਹਨ। ਜਿਹਨਾਂ ਵਿੱਚੋਂ ਕੁੱਝ ਕਵੀ ਸਾਹਿਤ ਲੇਖਨ ਨਾਲ਼ ਪਹਿਲਾਂ ਤੋਂ ਹੀ ਜੁੜੇ ਹੋਏ ਹਨ ਪਰ ਜ਼ਿਆਦਾਤਰ ਕਲਮਾਂ ਨਵੀਂਆਂ ਨਕੋਰ ਹਨ। ਇਸ ਕਿਤਾਬ ਵਿੱਚ ਅਨੇਕ ਵਿਸ਼ਿਆਂ ਤੇ ਰਚਨਾਵਾਂ ਹਨ, ਜਿਵੇਂ ਕੁੱਝ ਕਵੀਆਂ ਅਤੇ ਕਵਿੱਤਰੀਆਂ ਨੇ ਆਪਣੀਆਂ ਭਾਵਨਾਵਾਂ ਨੂੰ ਖ਼ੂਬਸੂਰਤ ਸ਼ਬਦਾਂ ਵਿੱਚ ਪਰੋ ਕੇ ਕਵਿਤਾ ਦੇ ਰੂਪ ਵਿੱਚ ਪ੍ਰਗਟ ਕੀਤਾ ਹੈ , ਕੁੱਝ ਕਵਿਤਾਵਾਂ ਦਾ ਵਿਸ਼ਾ ਸਮਾਜਿਕ ਹੈ, ਅਤੇ ਕੁੱਝ ਕਵੀਆਂ ਨੇ ਪੰਜਾਬ ਪਿਆਰ, ਮਾਂ ਬੋਲੀ, ਬਿਰਹਾਂ, ਰੋਮਾਂਸਵਾਦ, ਮੁਹੱਬਤ,ਆਦਿ ਵਿਸ਼ਿਆਂ ਨੂੰ ਕਵਿਤਾ ਦੇ ਰੂਪ ਵਿੱਚ ਪਾਠਕਾਂ ਸਾਹਮਣੇ ਪੇਸ਼ ਕਰਨ ਦਾ ਯਤਨ ਕੀਤਾ ਹੈ।

ਸੰਪਾਦਕ

ਸਚ ਲਿਖਾਰੀ