நா. கண்ணனின் கவிதைகள் அவரது பின்னணி போல் சுவாரசியமானவை. அவர் விஞ்ஞானியாக இருந்து கொண்டு மெஞ்ஞானம், தமிழர் வாழ்வியல் எனப் பேசும் போது விஞ்ஞானப் பார்வையின் கூர்மையை உணரமுடியும். அவரது நடையும் நாம் சாதாரணமாகக் காணும் கவி நடையிலிருந்து வேறுபடுவதைக் காணலாம். ஒரு சிறுகதையின் அழகு கவிதையில் மிளிர்வதைக் காணலாம். 'கன்னத்தில் முத்தமிட்டால்' வாசித்தால் தமிழின் அழகும், சிந்தனைக் கூர்மையும் இணைந்து கொண்டுவரும் வர்ண ஜாலத்தைக் காணமுடியும்.