Во оваа книга трета, во шифра се говори света... овде и тука нема голема бука... во тајна се плете и по нешто се мете... кој спознава цело ветено бело сè лесно ќе прима и крилја ќе има... некогаш сè не може да биде цело и понекогаш од цело е врело... затоа кроце спознај се себе, полека оди по патот што везе... собери од ваму од таму по некоја ука, но направи тоа да биде без бука... не мисли дека некому е лесно, НЕ, секому е тесно, но има и по некој што сака да учи, да прима и крилја да си прави од свила... ако во тој мал број припаѓаш ти, читај со душа која умее да слуша... гледај со очи без да се кочиш, со очи што духот ги отвора смело, во целото црно и бело и цело... со прсти листај страница по страница и немој во умот свој да ставaш граница... застани малку кoгa капки од пот ти капат, смири се леко па потоа полека повторно тргни по светов... ако застанеш премногу долго, ако те зафати по некоја болка не биди кукавица што лесно од костец бега, оти така ред не се реди... биди ти храброст ама биди и мудрост, биди смерен и на Бога верен... предадено кога молиш, предаденост во душа своја од молитва ставаш... така чекорот твој смел ќе се слее во целото и ќе биде дел... бело со црно или црно со бело сè е едно Цело... вечно во вечност кое од ништо не се плаши, па што и да си, ќе те спаси... едно те исто Црно-Бело-Цело се јавува, поздрав со поздрав се бакнува, така отсекогаш и секогаш ќе се враќа... сите ние сме дел од црно-белото цело и делот е цел во црно-белиот свет... од целото сме дел, но многу храбар и смел... од целото доаѓаме тука, па се враќаме во целото со ука... ништо изгубено не è, ништо не може да овене... сè од целото иде и во цело се враќа без да мине... цело сум јас, цело си ти, цело е ова дело, оти патува росноносно и смело... Целото е Цело и Овој Свет е Дел д Целиот Ред.