இந்தியாவில் இமயம் முதல் குமரி வரை ஒரு லட்சத்துக்கும் மேலான கோவில்கள் இருக்கின்றன. இறைவன் மீது பக்தி செலுத்த உதவுவதோடு சுற்றுலாத் துறையையும் கோவில்கள் ஊக்குவிக்கின்றன. பூ, தேங்காய், பழம், அர்ச்சனை டிக்கெட், பிரசாதம், பூசாரி ஊதியம் எனப் பிரித்துப் பார்த்தால் பல லட்சம் பேருக்கு வேலை கொடுக்கவும் செய்கின்றன. இன்று மீனாட்சி கோவிலைப் போலவோ ஹளபீடு போலவோ ஒன்றை நிர்மாணிக்க பல கோடி செலவாகும். கோவிலிலுள்ள ஒவ்வொரு விக்கிரகமும், நகையும் பல லட்சம் மதிப்புடையவை. இவையெல்லாம் தவிர ஒவ்வொரு கோவிலிலும் ஒரு அதிசயம், வினோதம், விசித்திரம் காணப்படுகிறது. வெளிநாட்டுப் பயணிகள் புகைப்படங்களை எடுத்து புஸ்தகம் எழுதி 'பிஸினஸ்' செய்கின்றனர்.