சுரேஷ் என்னும் அந்த இளைஞனுக்கு ஒரே பெண் தினமும் கனவில் வருகிறாள். அவளுடன் சுரேஷ் ரொமான்ஸ் செய்கின்றான். "யாரிவள்... எப்படி தினமும் என் கனவில் வருகிறாள்... இவளை நான் எங்குமே பார்த்ததில்லையே?" குழம்பிப் போய் மண்டையைப் பிய்த்துக் கொள்கிறான் அவன். ஒரு நாள் செய்தித்தாளில் அந்த பெண்ணின் கண்ணீர் அஞ்சலி செய்தி வருகின்றது. அதிர்ந்து போன சுரேஷ் மனநல மருத்துவரிடம் செல்கிறான்.

அங்குதான் "டெலிபதி" என்னும் விந்தையான விஷயம் அவனுக்கு அறிமுகமாகின்றது. எங்கிருந்தோ டெலிபதி மூலம் அச்சம்பவங்கள் அவன் கனவில் வருவதாய் மனநல மருத்துவர் கூறுகின்றார். ஒரு கட்டத்தில் சிறு வயதில் காணாமல் சுரேஷின் சகோதரனிடமிருந்து அந்த டெலிபதிகள் இவன் மூளைக்குள் வருவதாய் கண்டறியப்படுகின்றது. சகோதரனைச் சந்திக்க ஆசைப்பட்ட சுரேஷை சட்டம் தடுக்கின்றது. காரணம், அவன் சகோதரன் பல வருடங்களாக போலீஸ் கண்ணில் மண்ணைத் தூவிக் கொண்டிருக்கும் ஒரு பெரிய கிரிமினல்.

டெலிபதியை உபயோகித்து அக்குற்றவாளியைப் பிடிக்க போலீஸ் முயல்கின்றது. சுரேஷ் அதற்கு உதவினானா? சுரேஷின் சகோதரன் கண்டுபிடிக்கப்பட்டானா? நாவலைப் புரட்டுங்கள்... விறுவிறுப்பான நாவல்... ஒரு திரைப்படம் பார்த்த உணர்வை உங்களுக்கு நிச்சயம் தரும்.