Kanegelokopana ye e ka lekgarebe leo le ilego la katwa le sa le mosetsanyana wa mengwaga ya tlase kudu, o paletšwe ebile o sa palelwa ke go bolela ka tiragalo ye ka ge a tšhošeditšwe ka la go bolawa ge a ka bolela se sengwe mabapi le tiragalo ye. Ka fao, ge a gola, tiragalo yeo e a mohlobaetša gomme o hwetša go se bonolo go bolela ka yona goba go tsenela tša ditswalano. Nako le nako ge a bona goba a ekwa lentšu la mosenyi yo, o thoma go tlela ke di tiragalo tša mohlamonene ka ge tiragalo ye e diragetše makga a mmalwa. Go ya ka yena, o lekile go phela le tiragalo ye eupša o fihlile boemong bjoo ka bjona e mohlobaetšago kudu. Seo se mo kwešago bohloko le go feta ke gore mosenyi yo o mmona bjalo ka ngwanabo, ka gona o hwetša go se bonolo go ka gata magato ao a nepagetšego mabapi le taba ye, gomme ka ntle le seo, o boifa gore ga go na le motho yo a tlago go mo tshepa ge aka bega tiragalo ye ka ge ele sebaka e diragetše. Lekgarebe le le hloka thušo ebile le na le phišagalelo ya go ka bega tiragalo ye, eupša o tšhaba gore molao o ka se phetagatše toka gomme a ka feleletša a fetogilele lešilo ka motsotso wa mafelelo ka ge batho bao ba na lego le melato ba sa sasanka mo mebileng ka tokologo.