சிறிய வயதிலிருந்தே பாடல்கள் எனது ஈர்ப்பு.

அனேகமாக ரேடியோவில் ஒலிபரப்பப்படும் பாடல் வரிகள் உடனுக்குடன் எனக்கு மனப்பாடமாகிவிடும்.

ஒரு தலைப்பு கிடைத்ததுமே வரிகள் மனசுக்குள் மொட்டாகி மெட்டாகி மலரும் தருணங்கள் மிக உன்னதமானவை. சின்னச்சின்ன விஷயங்கள் கூட வரிகளுக்குள் வரிசைப்படுத்தப்படும் போது நேர்த்தி பெறுகின்றன.

முதன்முதலில் எழுதப்போகும் பாடல் விக்னங்கள் நீக்கும் விநாயகரைத் துதித்து இருக்கட்டும் என்று யோசித்தபடி எந்த பாட்டின் மெட்டில் அது பொருத்தமாக இருக்கும் என்றும் யோசிக்க ஆரம்பித்தேன்.

அந்த சமயத்தில் ரொம்ப ஹிட்டான பாடலாக 'ஜிங்குனமணி' இருக்கவே அந்த மெட்டில் வரிகளை யோசிக்க எனது இனிய பாரதி பாடல்களின் பயணம் துவங்கி அழகான பல அனுபவங்களைச் சுமந்தபடி ஒரு நல்ல நதியாக இன்னமும் நகர்ந்து கொண்டிருக்கிறது.

நம் பூஜை முறையின் முக்கியத்துவம், விரதங்கள், அந்தந்த ஆலயங்களின் சிறப்பு தெய்வங்களின் திருவிளையாடல் என முக்கியமான பல நுணுக்கமான விஷயங்களை குட்டீஸ்களுக்கு புரியும்படியான ஆங்கில மொழி கலந்து யோசிப்பது எனக்கு மிக விருப்பமான சவால்.

அந்த சவால்களை இந்த பாடல் மூலம் நிறைவேற்றியுள்ளேன்