தலைவருடைய திரைப்பட காட்சிகள், வசனங்கள், பாடல்கள் எல்லாம் அவருடைய ஒவ்வொரு ரசிகருக்கும் நான் உள்பட மனப்பாடமாக தெரியும், தலைவர் தனிப்பட்ட முறையில் பத்திரிகைகளுக்கு அளித்த பேட்டிகளில் கேள்வி பதில்களில், அவர்விட்ட அறிக்கைகளில், மேடைகளில் நிகழ்த்திய சொற்பொழிவுகளில் திருமணம் மற்றும் பொது - அரசியல் நிகழ்ச்சிகளில் பங்கேற்று பேசியவைகள் ஆகியவற்றில் தலைவர் பல அரிய கருத்துக்களை வெளிப்படுத்தியிருக்கிறார்.

முத்துகளைவிட புரட்சித் தலைவரின் சொல் முத்துக்கள் விலை மதிப்பில்லாதவை; அத்தகைய உயர்ந்த கருத்துக்களை புரட்சித் தலைவரின் வெற்றி மொழிகளை நண்பர் சபீதா மிக அழகாக தொகுத்து புத்தகமாக்கி இருக்கிறார், அவரது முயற்சிக்குப் பாராட்டுகள்.

தலைவரின் படங்கள் - வசனங்கள் - பாடல்கள் பார்ப்பவர்களுக்கு ஒரு துணிச்சலை, தன்னம்பிக்கையை தரும், அந்த வகையில் இந்தப் புத்தகத்தில் தலைவரின் தன்னம்பிக்கை தரும் உயிர்ப்பான வார்த்தைகள், உயர்வான வெற்றி மொழிகள் பல இந்த நூலில் இருக்கின்றன, படியுங்கள், பயன் பெறுங்கள்.