சில சமயங்களில் காலை எழுந்தவுடன் வாட்ஸப்பில் ஐம்பது அறுபது மெசேஜ்கள் வந்ததாகக் காண்பிக்கும். ராத்திரி முழுக்கக் கண்விரித்து வியர்வை சிந்திப் பலர் அனுப்பியிருப்பார்கள்(!) அல்லது அதே வியர்வையை அதே விதமாகச் சிந்தி... ஃபார்வேர்ட் செய்திருப்பார்கள். ஆரம்பத்திலெல்லாம் சலிப்பாய் இருக்கும். ஆனால் நான்கு ஃபார்வேர்ட்களில் ஒன்று சுவையாக இருக்கும் என்பதை மறுக்க முடியாது.

நன்றாய் இருக்கிறதே என்று சிலவற்றை காபி செய்து வேர்ட் ஃபைலில் போட்டுப் பாதுகாத்தேன். யான் பெற்ற இன்பத்தை இவ்வுலகம் பெற என்ன வழி என்று யோசித்தபோது இப்படி ஒரு ஐடியா ஃப்ளாஷ் ஆனது.