"நம்மைப் பற்றி நாமே தெரிந்து கொள்ள வேண்டும். வந்தபின் பரிகாரம் தேடுவதைவிட, வருமுன் காப்பது நல்லது. ஆரம்ப நிலையில் சிகிச்சை எப்போதும் எளிமையானது; பெரிதாகிவிட்டால் சிக்கலாகிவிடும்; சிகிச்சையும் கடினமானது! இவற்றை எல்லாம் டாக்டர்கள் பலரும் என்னிடம் அடிக்கடி கூறுவதுண்டு."

அந்த அடிப்படையில் பொதுமக்களுக்குப் பயன்படக் கூடிய குறிப்புகளை, நிபுணர்களிடமிருந்து பெற்று, இங்கே தொகுத்துக் கொடுத்திருக்கிறேன். மருத்துவ நிபுணர்களின் விலாசத்தையும் பயன்பெற விரும்புகிறவர்களுடைய கவனத்துக்காக அளித்துள்ளேன்.

ஒவ்வொரு குடும்பத்திலும் இருக்க வேண்டிய, அன்றாட வாழ்க்கையில் ஆலோசனை பெறுவதற்குரிய, பயனுள்ள குறிப்புப் புத்தகமாக இது அமைந்துள்ளது. இந்த வசதியை வாசகர்கள் முழுமையாகப் பயன்படுத்திக் கொள்ள வேண்டும்.