Superitdendent Mushi yoo a bego a šoma police station ya Praktiseer go la Tubatse o roma ditsotsi tša gagwe go yo swara koloi ya go sepetša tšhelete poo. Joseph, More le Tebza e le go tsotsi tša gagwe ba bolaya bahlapedi ba šupago. Commissinor Tšatši o fa Mushi mošomo wa go nyakišiša molato woo wa polao ya bahlapedi bao. Taba yeo e thoma go makatša Taba le Maimela bao ba gononago mesepelo ya Mushi. Mushi o abelana le ditsotsi tša gagwe R18 million yeo ba bego ba e utswitše gomme o ba hlahlelela dipulete go yo utswa kua Supermarketeng ya Modipadi. Mokgadi o ya police station go yo botšiša ka molato wo o swerwego ke Mushi wa polao ya ngwana wa gagwe. Ka bomadimabe o hwetša Mushi a se gona. Joseph, Tebza le More ba ya Supermarketeng ya Modipadi ba a utswa. Alamo e lla lapeng la Modipadi gomme Modipadi o a tsoga. Go yeng shopong o hwetša ditsotsi gomme o tsoša baagišane. Batho ba swara digongwana ba di ripa menwana. Lenong, fofa re bone, o bega taba yeo maphodiseng morago ga go kwa gore ge go fetšwa go ile go latwa Mushi. Maphodisa a fihla fao pele go tlogwa. Commissinor Tšatsi o kgopela Mushi go itokolla mošomong. Mushi o a gana. Taba le Maimela ba a mo swara. O ya ntlo leswiswi go yo dula le dibofšwa tša gagwe tša go hloka menwana.