பயணங்கள் மூலம்தான் பல நாடுகளும், பல கண்டங்களும், பல மலையுச்சிகளும் கண்டுபிடிக்கப்பட்டு, புதிய சாம்ராஜ்யங்கள், இராணுவ பலம், பொருளாதார முன்னேற்றம், மக்களின் வாழ்க்கைத் தர உயர்வு ஆகியவை உலகம் முழுவதும் சாத்தியமாகியிருக்கும் வரலாறு நம் அனைவருக்கும் தெரியும்.

புதிய புத்தகங்களைப் படித்து ஓர் இடத்தைப் பற்றித் தெரிந்து கொள்வதைவிட, அந்த இடத்தை நேரில் பார்த்தால் பத்து புத்தகங்கள் எழுதத் தேவையான செய்திகளும், அனுபவமும் கிடைக்கும் என்பது என் கருத்து.

தனிமனிதனுக்கு மட்டுமின்றி, சமுதாயத்திற்கு நிகழ்காலத்திலும், எதிர்காலத்திலும் பயனளிக்கும் வகையில் அமைவதுதான் பாடம். அந்த வகையில் என்னுடைய ஒவ்வொரு பயணமும் ஏதோ ஒரு வகையில் ஒரு பாடத்தைத் தந்திருக்கிறது. எனவே 'பயணங்கள் - பாடங்கள்' என்ற இந்த நூலின் தலைப்பை நான் பெரிதும் ரசித்தேன்.