ஒவ்வொரு மனிதனின் வாழ்விலும் மறக்க முடியாத முகங்கள் உண்டு. எத்தனையோ முகங்களைமனம் பார்த்து கடந்து சென்றாலும், ஒரு சில முகங்களை தன் எண்ணம், தன் தொகுப்பில் உறையவைத்துக் கொள்கிறது.

அப்படியாக என் இதய பெட்டகத்தில் பாதுகாப்பாய் விருப்பத்தோடு வைத்திருந்த உயிர் பொக்கிஷங்களை இந்த காகித நதியில் கவி மீன்களாய் உயிர்ப்பித்து இருக்கிறேன்.

எத்தனை நாட்கள்தான் எனக்குள்ளே இந்த முகங்களின் அற்புத உணர்வுகளையும், செயல்பாடுகளையும் நானே அசைப்போட்டுக் கொண்டிருக்க இயலும்.

காலத்தின் கட்டாயம் உணர்வுகளின் உந்துதள்ளுதலில் உருவான இந்த படைப்புகள் இன்று உங்கள் கரங்களில் மறக்க முடியாத முகவரிகளாய் தவழ்ந்து கொண்டிருக்கிறது.

இனி இவைகள் உங்கள் இதயங்களில் ஆட்சி செய்யட்டும். உங்களின் உணர்வு அலைகளில் தன்கீத இசையை மீட்டட்டும் என விட்டு விடுகிறேன்.

இந்த கதைகள் உங்கள் வாழ்வை மருரூபப்படுத்தும் எனும் நம்பிக்கையோடு நான் அடுத்தகட்டஎழுத்து பயணத்திற்கு கடந்து செல்கிறேன்.