<p>Sy gaan alles moet waag om sy hart te wen ...<br>Katryn kan nie verstaan waarom almal in haar lewe mal is oor Daniël<br>Roux nie. Ja, hy is aantreklik, maar dis al. Sý wil meer in 'n man sien as<br>net sy mooi gesig, sy gespierde lyf en sy gladde mond.<br>Stadigaan begin sy tog besef dat Daniël anders is. Maar afgesien van die<br>skade wat sy aangerig het met haar aanvanklik bevooroordeelde houding<br>teenoor hom, weet sy nie of sy hom kan vertrou nie. Sy het mos al<br>voorheen haar vingers verbrand. En nou beskuldig Daniël haar dat sy<br>met sy gevoelens speel. Daar blyk geen einde aan die spanning tussen<br>hulle te wees nie.<br>Katryn moet besluit of sy die moed het om haarself bloot te stel deur met<br>vertroue 'n nuwe verhouding aan te knoop.</p>