<p>Sy is nie te koop nie, al is dit vir 'n halfmiljoen rand!<br>Stefanie de Villiers kry 'n onverwagse aanbod van haar kliënt, Madeleine<br>Ebersöhn, af: Sy moet met renjaer Emille Ebersöhn trou. In ruil kry sy 'n groot<br>som geld, Emille en sy ma verloor nie hul miljoene nie, en almal kry 'n gelukkige<br>einde.<br>Stefanie lag dit af. Sy is nie te koop nie, al is dit vir 'n halfmiljoen rand en net vir<br>'n tydperk van ses maande. Boonop stel sy ook nie in 'n man belang wat met sy<br>lewe speel nie, want dis wat renjaers doen. Hulle is wild en dink hulle is onsterflik<br>en onaantasbaar. Emile het egter ander planne vir Stefanie wanneer grendeltyd<br>aangekondig word en hulle 'n huis moet deel.</p>