உலகப் புகழ்பெற்ற இராமாயண இதிகாசத்தின் மணிமகுடம் போன்றது சுந்தர காண்டம். இந்த சுந்தர காண்டத்தை பாராயணம் செய்பவர்களுக்கு சர்வ காரிய சித்தி, தன்னம்பிக்கை, மனோ தைரியம் கிடைப்பது கண்கூடு.
ராமாயணத்தில் சுந்தர காண்டத்திற்கு என தனிச் சிறப்பு இருக்கிறது. சுந்தரன் என்றால் வடமொழியில் அழகு, வானரன், இழந்த பொருள் மீண்டும் கிடைக்கப் பெறுதல் என அர்த்தங்கள் இருப்பதாக சான்றோர்கள் சொல்கின்றனர். ஸ்ரீராமனும் கானகத்தில் இழந்ததை (சீதா பிராட்டியை) மீண்டும் பெற்றார் என்பதால் இக்காண்டத்திற்கு சுந்தரகாண்டம் என்ற பெயர் வந்திருக்கலாம்!
'சிறிய திருவடி என்று வைணவர்களால் கொண்டாடப்படும் ஸ்ரீ ஆஞ்சநேயரை, அவருக்கு இட்ட பணியை வெற்றிகரமாக முடித்தார் என்பதற்காக அவரை ஆலிங்கனம் செய்து கௌரவித்தார் ஸ்ரீராமர். அந்த பெருமையை நாம் இக்காண்டத்தில் உணரலாம்