Die onweerstaanbare Audrey Blignault het destyds die wêreld van die Afrikaanse vrou óópgeskryf en was haar tyd vooruit. Dié unieke keur bring haar beste werk byeen, van kort sketse uit die vroeë bundels tot langer essays en verhale uit latere publikasies. Hierdie baldadige, skalkse, "onwennige ouma" skryf dalk oor vervloë dae, maar op so 'n unieke, toeganklike manier dat dit vir vandág se leser kraakvars is, en jou ten diepste raak.