Ердес Шүренұлы XVIII ғасырда өмір сүрген өз заманының заңғар тұлғасы. Қаншама жаугершілік уақытта ержүректігімен танылып елім деп өткен қазақтың дарабоз батырларының бірі. Ердес батырдың анасы жүктілік кезінде қасқырдың жүрегіне жерік болып, һас батырдың қайсар мінезі құрсақта қалыптасқан. Ердес батыр жаугершілік заманда жау тоқтатып, бейбітшілік заманда дау тоқтатқан шешен болған. Халқы Ердес Шүренұлын тек һас батыр ғана емес, қара қылды қақ жарған би ретінде де таныған. Ердес Шүрен ұлы Түркістандағы Қожа Ахмет Яссауи кесенесіне жерленген.