संत चोखामेळा हे नामदेव -ज्ञानदेवांच्या प्रभावळीतील संत आहेत.त्यांना नामदेवांनी गुरूपदेश दिला होता. यादवकाळात वर्णभेदाच्या, उच्च नीचत्वाच्या, स्पृश्यास्पृश्यत्वाच्या कल्पना रूढ असल्यानं चोखोबांना उपेक्षित जीवन जगत संसार करावा लागला. त्यांनी तशाही स्थितीत मनातील विठ्ठल भक्तीचे अंकूर कोमेजू दिले नाहीत. त्यांची भक्ती कविता त्यांच्या जीवन प्रवाहबरोबरच वाहत होती.