இது ஒரு மூலிகைக் காலம்

வேளாண் துறையைச் சேர்ந்தவர்கள் வேளாண் துறையைச் சேராதவர்கள் இப்படிப் பலபேர் இன்று மூலிகைகளைப் பற்றிப் பேசி - எழுதி வருகின்றனர். உபயோகிப்பாளர்கள் உபயோகிக்கத் துவங்கி விட்டனர். உற்பத்தியாளர்கள் தெரிந்த அளவில் உற்பத்தி செய்யத் துவங்கி விட்டனர்.

ஆனால் -

சாகுபடியாளர்களுக்கு ஏராளமான சந்தேகங்கள். எந்தெந்த மூலிகைகளைச் சாகுபடி செய்யலாம் - எப்படிச் செய்தால் லாபம் கிடைக்கும் - இதில் சந்தை வியாபார நிலை என்ன? சங்கடங்கள் இல்லாது சந்தைகளில் விலை போகுமா? எதை எதை ஏற்றுமதி செய்யலாம்? எப்படி எப்படி ஏற்றுமதி செய்யலாம்? இப்படி எண்ணற்ற சந்தேகங்கள். இவைகளுக்கெல்லாம் ஒரு தீர்வு காண, எழுதும் இந்த முயற்சியில் நான் இறங்கினேன் - அதன் விளைவுதான் இந்த நூல் - 'இது ஒரு மூலிகைக் காலம்.'