Куро ахмад гэмтсэн сансрын хөлөгтөө сэрлээ. Хөлгөөс агаар алдагдаж байлаа. Түүний найз Жарон энд байсангүй. Куро ослын жижиг хөлөг рүү гүйн очиж, чиглэлийг Дэлхий хэмээн тохирууллаа.
Нэг цагийн дараа, Куро сарны хажуугаар өнгөрлөө. Куро бол мууртай төстэй фийлап хэмээх Ангарагийн амьтан бөгөөд гунигласандаа уйлж байлаа. Тэр орь ганцаараа үлджээ.
Курогийн ослын хөлөг үүлсийг нэвтлэн бууж ирээд, модонд гацан дээш харан тогтлоо.
Куро, гадаа найган хөдлөх, аймшигт ногоон зүйлсийг олж харав. Тэр хаалгаа алгуурхан нээлээ.
Нэгэн амьтан орилон дуугарч, агаарт үсэрсэн нь Курог айлгаж орхив.
Какаду тоть инээн, "Би бол Фобон. Энэ миний мод."
"Энэ чиний гэр юм уу?" гэж Куро асуулаа.