Hugsjónalaus og siðlaus, alin(n) upp í sjávarþorpi, talnaglögg(ur), heppin(n) í útliti, óheppin(n) í ástum..., þá gæti bókin verið um þig. Ef þú hefur líka gert það í líkhúsi..., þá er bókin um þig.

"Svartir túlípanar" er glæpasaga sem segir frá því hvernig saklausir drengir af landsbyggðinni dragast inn í undirheima Reykjavíkur og lenda í ýmsu af þeim sökum.

Höfundurinn Lýður Árnason, er læknir og gjarnan kenndur við Vestfirði enda starfað þar lengstum. Hann sat í stjórnlagaráði og hefur ritað fjöldann allan af pistlum um þjóðmál. Svartir túlípanar er hans fyrsta skáldsaga í fullri lengd, en áður hefur Lýður gefið út smásögur og framleitt nokkrar kvikmyndir.