Märtha Louise prinsessa og Elisabeth Nordeng segja það ekkert leyndarmál að þær eigi samskipti við engla. Í bókinni „Leyndarmál englanna" segja þær frá reynslu sinni af þessari upplifun og fara með lesandann í ferð til alheims englanna. Höfundarnir vilja veita lesendum bókarinnar möguleika á að finna nýjar hliðar lífsins með hjálp æfinga, hugleiðslu og andlegra leiðbeininga, þannig að englarnir geti verið hluti hins daglega lífs þeirra. Meðal þess sem höfundarnir segja er:

„Þú munt sjá tækifæri þar sem aðrir sjá hörmungar, þú munt sjá ljós þar sem aðrir sjá myrkur og þú munt geta skapað kringumstæður sem eru til góðs fyrir þig og þá sem þú elskar."