<p>Jare gelede het die beeldskone digter Anna Neethling finaal uit die uitgewer<br>Malan Sinclair se lewe gestap. Hul verhouding was 'n maalkolk wat sy huwelik<br>en loopbaan wou verswelg. Maar nou is Anna onverwags terug. Wanneer<br>Malan haar lyk langs sy motor vind ná 'n helse uitval in sy kantoor, bou die<br>afwaartse spiraal momentum op.<br>'n Paar dae later maak 'n uittreksel uit Anna se dagboek Malan die<br>hoofverdagte in haar moord en kom gebeure wat meer as 'n dekade gelede<br>tydens 'n drinkparty op 'n wynplaas afgespeel het op die lappe. Iets het daardie<br>aand in die kelder gebeur en meer as een paar hande is bevlek.<br>Karaktermoord is die bekende jeugboekskrywer Carina Diedericks-<br>Hugo se langverwagte rillerdebuut.</p>