<p>Klippe, messe en pyle uit 'n kruisboog: Die vreemste – en wreedste –misdaadtoneel<br>in Kaptein Nicci de Wee se loopbaan<br>Dan moet sy en haar nuwe taakspan boonop bontstaan om saam met<br>die nimlike Blackie Swart 'n internasionale insident te voorkom.<br>Ook op haar lessenaar: die dood van twee jong meisies. En die angswekkende<br>vermoede dat al hierdie sake met mekaar verband hou.<br>Met soveel kinkels in die kabel soos dooies in die staatslykhuis, moet<br>Nicci-hulle alles tot hul beskikking inspan om 'n nuwe hel af te weer: van<br>'n rekenaarfundi, tot stiletto's en selfs 'n paar petrolbomme.<br>Gou kom Nicci agter die monsters wat haar lewe en dié van haar<br>kollegas bedreig, is gevaarliker as Ramoth, vlymskerp polisiefotograaf<br>Stella Jansen se mak Komododraak.<br>In Jagter, haar derde Nicci de Wee-riller, draai Bettina Wyngaard al die<br>krane oop.</p>