Thulaganyo ya padi e e maphatamabedi mme a kopana fa a ya bokhutlong. Karolo ya ntlha ke modutela o o tshelang mo karolong ya bobedi mme di bope selo se le sengwe. Tsoopedi di bua ka botshelo jwa mmamodikwaneng le ditlamorago tse di diphatsa tse baanelwa ba iphitlhetseng mo go tsona. Potso o iphitlhela kwa kokelong morago ga gore Kerotse a mo ntshe thari kwa madikwadikwaneng mme a teketwa ke batho bao a batlileng a ba thula ka koloi. Mo karolong ya bobedi, Olebile le mogatse Mmoni ba fetoga direpa fela ka ntlha ya Mathabe. Bana ba sekolo sa Mathabe ba iphitlhela mo mathateng a a seng kana ka sepe fa ba tshwanetse go tsenela dikgaisano tsa mmamodikwadikwane.