Út í vitann, eftir breska rithöfundinn Virginiu Woolf, er jafnan talin einn af hátindum nútíma­­bók­mennta, einkum fyrir sakir nýstárlegs frásagnarmáta og sálfræðilegs innsæis.

Í bókinni er skyggnst inn í líf fjölskyldu og gesta hennar í sumarleyfi á skosku Suðureyjunum. Frú Ramsey stýrir fólkinu í kringum sig á sinn ómót­stæði­lega hátt — hinum sérkennilega og þurftar­freka eiginmanni, barnahópn­um, aðdáendunum, gamla viðskotailla rithöf­undinum, listakonunni sjálfstæðu, klunna­lega unga menntamanninum. En allt á sinn stað og stund — og næsta ferð út í vitann er undir öðrum formerkjum.

Virginia Woolf (1882–1941) er einn af fremstu rithöf­und­um 20. aldar. Hún tilheyrði fræg­um bók­­mennta­- og listahópi sem kennd­ur var við Bloomsbury í London. Meðal helstu skáld­sagna hennar eru Út í vit­ann, Frú Dalloway og Orlando.