"Hrafnasaga" er saga í bókaflokknum um Jólasveinana sem er samin og myndskreytt af Helga Valgeirssyni undir áhrifum af þjóðsögum og munnmælum um hina ástsælu jólasveina, sem allir þekkja. Ævintýrið fjallar um hvernig tröllafjölskyldan sem býr í hellinum í fjallinu fjarri mannabyggð eignast óvænt nýjan fjölskylduvin. Grýla er andvaka eftir síðustu jól og að lokum stendur hún upp og vekur jólaköttinn til að hafa svolítinn félagskap. Þau fara saman út úr hellinum til að gá til veðurs en þá finnur jólakötturinn eitthvað í snjónum sem þarfnast nánari athugunnar. Um hvernig sagan fer er hægt að lesa í þessari skemmtilegu bók um Grýlu og jólaköttinn. Einnig hafa komið út Í sama bókaflokki sagan: „Jólasveinarnir", „Jólakötturinn", „Jólasveinarnir á rassgatinu" ásamt litabók og fleiri sögur eru í deiglunni.