Si Überman ang tipo ng superhero na cliché—may pambihirang lakas, bilis at kapangyarihan. Pero may kakaiba sa kanya kumpara sa mga kontemporaryong superhero. Sa kuwentong ito, bukod sa mayroon siyang self-titled album at nagko-cover ng music video sa YouTube, ay wala siyang kalabang may superpowers na ang tanging hangarin ay maghasik ng kasamaan o kaya’y wasakin ang mundo upang makapaghiganti.

Ang kalaban ni Überman ay ang matagal nang kalaban ng ating lipunan—kahirapan, kriminalidad, kagutuman, kurapsyon, giyera, human trafficking, social, political and economic problems, lumilipad na ipis, atbp. Gamit ang kanyang superpowers at sa tulong ng teknolohiya, paano nga ba niya malalabanan ang mga suliranin ng isang bayang naghihinagpis?