"الأربعاء السادس من ابريل الساعة الواحدة ظهرًا وقتما خرجت من باب احد البنوك المكتظة بعشرات الناس الرائحين والغادين..تختفى وراء نظاراتها الشمسية وسماعات الأذن لتنأى ولوقليلاً بنفسها عمن حولها بعد أن اودعت مبلغًا من المال، وإذا بالذى يربت على كتفها..- فى حاجة حضرتك؟- إزيك يا نشوى - مين حضرتك؟- هومر وقت كتير غير شكلى لدرجة انك ماعدتيش عارفانى؟..أنا خالد !!- ايوة وعاوز إيه يعنى؟- عاوز اتكلم معاكى يا نشوى لوسمحتى - معلش يا خالد شغلى واخد كل وقتى ومش هينفع - ولولعشر دقايق بس بالله عليكى - لأ..وبعدين اصلاً العشر دقايق خلصوا - نشوى بجد أنا محتاج اكلمك..أنا عارف انى غلطان فى حقك..بس - انجز..- مش..هاا.. ينفع هنا..عشان انتى شايفة طبعًا أنا معايا الولاد - طيب ابقى سلملى على امهم..سلام عليكم وادارت وجهها معلنةً انتهاء الحديث..بأنفاس متقطعة وخطوات مضطربة..وعبرات تتحرك فى عينيها لا تود الهطول..غير آبهة به