"يُحكي أنه كان هناك نوع من الفقاريات يعيش على كوكب الأرض في الماضي السحيق وكان يُطلق عليه ""إنسان""، كان هذا النوع يتميز بوجود عقل وبمهارات التواصل الإنساني، حيث كان يستطيع النطق والتحدث بلغات عديدة، ولكن هذا الكائن اختفى تمامًا من الوجود فجأة، وعُثر على بعض الحفريات المتحجرة أمام قطع حديدية كانوا يطلقون عليها شاشات!- محمد الأسواني: ملقتش نفسي هناك.. قلت اشوفها هنا - شهاب الدين محمد: فراغ.. عشان أضيع وقت.. عشان أكلم أصحابي.. الفيس بوك عامل زي الحمّام، في ناس بتدخل عشان تغسل وشها وناس بتدخل تعمل طينة!- محمد السيد: أنا دخلت عالفيس بوك من 2007 وده عشان لقيت أصحابي كلهم عليه، وسابقني بمراحل وعمالين يقولولي: احنا اشتركنا في الجروب الفلاني، وشوفنا صورة فلانة أو فلان، وأنا ولا فاهم حاجة!قولت يالهوي وهو أنا أكتع يعني، ودخلت النت في البيت عشان أبقى زي الناس الطبيعيين، وكل فترة بعمل مراجعات مع نفسي عشان أشوف مستوى تفكيري من 2007 لحد دلوقتي، لما بشوف الحاجات القديمة اللي كنت بكتبها بقول لنفسي يلعن أبو شكل سخافتك، على أبو تفاهتك، ياعيل يا أفيل، وبصراحة مش أنا لوحدي اللي كنت كده، كل الناس كانت أفيلة!(ملحوظة عزيزي القارئ: أفيل دي كانت حاجة تانية وغيرناها عشان حياء سيادتك مايتخدش.. أي خدمة، عد الجمايل)"