ترددت كتير علشان أكتب الكتاب دة لأن كل الشخصيات واقعية وإن كان هناك بعض الأسماء اللي غيرتها منعا لإحراج أصحابها و ترددت أكثر في اختيار الاسم لأني ما اتعودتش استخدام كلمة شغالة,لأن العرف و التقاليد أخدوا من حقها أكثر مما أضافوا لها, الشغالة هي الشخصية المحوية والأهم في بيوت وحياة ناس كتير أوي وساعات بتبقى ترمومتر الحالة النفسية لست البيت اللي يا إما تسعدها وتخليها تسعد اللي حواليها يا إما تعكنن عليها وتخليها زي اللي لبس كازارولة وماشي ينظم المرور على كبري أكتوبر