اسمى "ياسمين"، بنت مصرية في العشرينات من عمرى، كنت مضيفة جوية، لما قلت لأصحابى المضيفات فكرة الكتابة عن تجربتنا كان لهم جميعا طلب واحد بس: "إحكي للعالم الحقيقة.. قولى الوحِش والحلو". ,طلبهم خلّاني أفكر في الوحِش اللى نسيته لكن هم لأ؟ يا ترى الحلو أكتر؟ ولا خبّوا حاجة جواهم ومتكلموش عنها قبل كده حتى مع بعض؟ هل حسوا انه فخ وقعوا فيه؟ هل فعلًا الوحِش كان أكتر من الحلو؟ ولو الوحِش أكتر ليه كملوا؟,قبل ما أشتغل "مضيفة جوية" مكنتش أعرف عنها حاجة غير أنى هلف العالم وأوزع ابتسامات رايحة جاية، في بنات كتير بيفكروا في الشغلة دي بنفس المبدأ، لما خلصت التجربة وكنت إحكي جزء منها لأى حد كان الرد المشترك "كل ده عشان تبقى مضيفة؟ ليه يعني هم بيعملوا ايه!"، من هنا جت فكرة الكتاب، للمعرفة. ,