انتظر,علي حافة البيت القديم,وما تدخلوش,وارب شبابيكك كده,واقفل دولاب بكره بقفل .. ما تفتحوش,اسكن ماضيك ,واختار من الذكري .. اللي تحبه وبس,عيشها كما الواقع بحب,واحضنها زي البنت اللي فـ خيالاتك ,أطياف بتسكن في فوانيسك,ادعكها لجل تفكها م السجن,خرجها من ضلمتها للنور اللي فيك,واتسامرو بالساعات ,بتحبهم ؟ .. ولا بتعشق بس حكاويهم,مهما يكون السبب,قضي الليلادي كده,فـ الذكريات المنعشه للقلب,اتذكر اللعب فـ أجازة الصيف,واتذكر البنوته اياها ,فاكر اكيد .. ضحكتها ليك بالليل,ونداها ليك الفجر .. عمرك ما تنساها,اذكر كمان ,ضلمة الشارع ,ونوره بحضن الناس,اتذكر الكناس,مع شقشقات الصبح,خليك كده للصبح,آن الآون نرجع,للواقع المحتوم,اقفل شبابيكك,افتح دواليبك,اصرف فـ اطيافك ,لملم فوانيسك,آن الآوان نرجع,للواقع المحتوم,آن الآوان للنوم,