مُحاولتك لفهم مُحتوى الكتاب وتوجُهه مِن خِلال المُقدمة أفشل من مُحاولتك لفِهمُه مِن اسم الكِتاب أو من الغُلاف، المُقدمة ممكن توصفلك اللي هتقراه هيبقى عامل إزاى مش أكتر !,فى الأول والآخر هي مُجرّد وجهة نظر بطريقة مُختلفة شوية لواحد قرر أنه يكون كاتب، حتى لو محدش هيقراله "عافية يعنى"., هو كان مُجرّد حلم.. كُنت قاعد مع مُذيع ومُذيعة ماسكين كتاب اسمُه "أتوبيس كومبليت" وبيرحبوا بيا وبيقولولي أهلاً بالكاتب عبدالرحمن شاكر الكاتب الساخر، وكانوا عمالين بيقلبوا فى الكتاب وبيسألونى على حاجات مكتوبة جواه وليه كتبتها، وعلى حاجات تانية كان قصدي إيه بيها.. وأنا عمال بجاوب.