A verwuiderter Garten Mei Lebn is wia a verwuiderter Garten, ungschützt, ohne Zaun, Gedanken gleich Bluma alle Arten für ois und jeds gibt's an Raum. In da Wiesen, da bliahn de bunten Traam, de finstern Gedanken san unter da Hecken, Zweifel und Ängste, de sicht ma kaam, de wern se im hohen Gros verstecken. A diam geht ebba durch mein Garten, paßt net auf und zertritt meine Traam, bis de wieda bliahn, do muaß i lang warten, derf grod schaugn, dass i drüber 's Leben net versaam.