Maraming kuro-kurong lumilitaw, depende sa iba't ibang pinanggagalingan. Ang 40 sanaysay ng librong ito ay nahahati sa anim na kabanata: Muni-muni; Pera-pera; Bola-bola; Bali-balita; Buhay-buhay; at Suroy-suroy. Kapansin-pansin ang "doble-dobleng" katangian ng mga titulo at sinasadya talaga ang mga ito. Kailangan kasing gamitin ang pag-uulit ng ilang salita sa wikang Filipino para idiin ang isang mahalagang bagay—patong-patong ang mga problemang kinakaharap ng ating mga mamamayan.