<p>In 'n mark wat oorspoel is met kitsoplossings vir gewigsverlies en<br>idees vir 'n gesonde leefstyl, bring dr. Adriaan Liebenberg,<br>internasionaal gerekende breinchrirurg, 'n maklike, veilige en<br>gesonde alternatief: span jou brein in en skud daardie ekstra ponde<br>permanent af.<br>Nadat hy sy lewe lank vet – en ongelukkig – was, het dr. Liebenberg<br>sy professionele kennis gebruik om uit te werk watter kossoorte sy<br>breinchemie so sou aanpas dat dit sy metabolisme sal versnel en sy<br>houding teenoor kos verander. Dit het gewerk. Hy het 70 kg verloor<br>en handhaaf sy nuwe gewig al vir byna drie jaar lank.<br>Die breinchirurg se dieet vertel dr. Liebenberg se inspirerende verhaal<br>in eenvoudige, reguit taal. Dié gids wys hoe ons ons breinkrag kan<br>gebruik om ons eetgewoontes aan te pas op 'n natuurlike manier. Dit<br>bemagtig mens met kennis oor kossoorte wat jou maer en gesond<br>hou, en sit stap-vir-stap uiteen hoe jy beheer oor jou welstand kan<br>neem sonder om staat te maak op modediëte of eetlusdempers.<br>Dié sakpasboekie verskaf volledige inligting oor die energiewaardes<br>van kossoorte en bevat heerlike maaltydplanne wat help met<br>gewigsverlies sonder lyding en skuldgevoelens.</p>