Вовед

Да се преживее во Виетнам и да се врати дома жив, тоа бара добра обука, силна верба, ментално и физичко повторување на обуката, и реални и вистински врски. Ако се оддалечевме, не успевме да обрнеме внимание, не послушавме, игнориравме, или имавме заборавено што треба таму да направиме, процентот на преживеани во голема мера ќе се намалеше.

Верувајте ми, имаше многу работи кои можеа да ни го одвлечат вниманието. Некои од нас станаа зависници од дрога и алкохол, други се навлекоа на секс, додека пак трети уживаа во возбудата да живеат на работ. Ова беше само дел од она што не уништуваше пред да појдеме во мисија и да се соочиме со нашите непријатели, змиите, болестите и другите животни во џунглата.

Оваа книга ни раскажува една возбудлива и интригантна приказна на мојата обука, искуство и врски од прва рака како наредник на американската армија со 75те ренџери во Виетнам во периодот од 1969 до 1970 година вршејќи извиднички мисии зад непријателските редови. И во 1971 година како ренџерски советник на Втората ренџерска команда во планинскиот џунглест регион на граничниот камп број 6 во селото Плеи-Мронг, во јужен Виетмнам во близина на границата со Камбоџа. Мојата мисија беше да ги научам и обучам виетнамските војници на ренџерски воени техники и да им помогнам да ги преместиме селаните ограбени од непријателот.

Оваа приказна ќе ве однесе од психичката војна до духовната војна на таков начин што вашата верба ќе биде обновена и ќе ви помогне со прашања за духовното царство и духовната војна што се случуваат секојдневно во нашите души. Мојата молитва е онаа која што растура светлост врз борбата помеѓу доброто (Бог) и злото (ѓаволот).

Опуштете се и уживајте во оваа кратка и моќна приказна. Мојата мисија е да ве доведе лице во лице со Исус кога ќе стигнете до крајот на оваа книга. Да го зголеми вашето разбирање за тоа зошто Исус го направил она што го правел и зошто Тој ве сака и сака да биде во контакт со Вас и сака да ве промени од она што сте сега во сосема нова личност. Вие сте душата и целта на оваа книга.

Авторот
Дани Клифорд