<p>Malletjie en Rocky sit sonder werk en hul geld raak min, so om private speurwerk<br>soos op Cheaters te doen, lyk na 'n blink idee.<br>Wanneer dié twee helde begin soek na 'n vermiste Afrikaanse sanger wat onder raaiselagtige omstandighede verdwyn,<br>dans die poppe behoorlik.<br>Hul speurtog strek van Fietas en Hillbrow tot Brakpan en die Bosveld. In die proses krap hulle 'n addernes in die onderwêreld van die Afrikaanse musiekbedryf<br>oop.<br>Dan is daar ook nog die gerug dat die wêreld na sy maai gaan op 21 Desember<br>2012. Daar is nog net ses dae oor ...<br>Gaan Malletjie en Rocky oorleef in 'n wêreld wat mal geraak het?<br>Theunis Engelbrecht se vlymskerp satire Papegaaislaai skud die fondasies van Afrikaanse popkultuur soos goeie rock 'n' roll.</p>