Si Sawi ay isang may-kayang probinsyano na naglakbay tungong Maynila. Dito niya nakilala si Pati, isang mananayaw. Nahulog ang loob ng torpeng si Sawi sa mala-diyosang si Pati, at di kalauna'y naubos ang kanyang yaman sa pagbili ng mga kapricho ni Pati. Umabot sa puntong itinakwil siya ng kanyang pamilya. At sa kanyang pagkalugmok, matutunghayan ng kawawang binata ang maitim na sikreto ng mananayaw.