Ano ang tamang dekorum sa simbahan at sa piging? Saang bahagi ng papel nilalagay ang petsa? At kung ikaw ay nababahing o kailangang suminga, paano ito gawin ng hindi nakagagambala sa iba? Sa palitan ng liham ng magkapatid na Urbana (na nasa Maynila) at Feliza (na nasa Bulacan), makikita ang kahalagahan ng tamang asal at pakikipagkapwa-tao, hindi lang para sa kababaihan, ngunit sa mga kalalakihan na rin.

Bukod sa tamang asal at dekorum, makikita rin sa aklat ang impluwensiya ng Katolikong simbahan sa pamumuhay ng pamilyang Pilipino na maaaring dahilan kung bakit bantog ito noong ika-19 na siglo hanggang sa ika-20 na siglo.