In 'n Prinses vir Somi is Armand du Bois die prins van Somi, fabelagtige stad aan die Kus van die Dood. Dié stad word bedreig deur mense uit die sogenaamde beskaafde wêreld, en Armand moet 'n besluit neem oor die lewe van 'n jong edelvrou uit die Kaap die Goeie Hoop. Maroelas uit Libanon speel af tydens die laaste jare van die Tweede Wêreldoorlog, in die ou Duits-Wes. 'n Jong soldaat, Henning de Waal, moet skielik eiehandig vier klein blondekop-dogtertjies wat wees gelaat is, versorg.En Toe kom Klaartjie is 'n opwindende verhaal oor 'n rabbedoe-verpleegster wat amper haar moses teëkom in haar nuwe werkgewer, 'n baron wat jonk en aantreklik is, maar ook hooghartig en afsydig.