Matapos ang ilang taon sa Europa, nagbalik ang binatang si Crisostomo Ibarra sa bayang hindi na niya makilala: ang kanyang ama'y namatay sa kulungan bilang isang erehe, ang bangkay ay itinapon lang sa lawa; may bali-balitang may masasamang-loob na nais pumatay sa kanya; at ang tanging ginhawa sa kanyang buhay—ang pagmamahal ng isang mabuting babae—ay unti-unting dumudulas mula sa kanyang mga kamay... ano na ang naiiwang pag-asa at ligaya sa buhay ni Ibarra? Ito ang Noli Me Tangere ni Jose Rizal, isinalin sa Tagalog ni Pascual Poblete, ang pinakamahalagang nobela sa sandaantaong modernong kasaysayan ng Pilipinas.