माझा लढा सरेना आयुष्य पेलण्याचा

ही जिंदगी अताशा मोठा सवाल झाली

मराठी साहित्याच्या दालनात मराठी गझल आता सर्वोच्च स्थानावर विराजमान झाली आहे. गझलसम्राट सुरेश भट यांनी मराठी साहित्याला प्रदान केलेली ही विधा पुढे अनेक कवीनी यशस्वीपणे हाताळली त्यातलंच एक प्रमुख नाव म्हणजे अजय बिरारी. अजय बिरारीची गझल ही कवितेच्या अंगाने जाणारी, आयुष्याशी झगडणारी, प्रेमाने खुलणारी जशी आहे तशीच ती आई-बाबा यांच्यातल्या देवत्वापुढे विनम्रतेने नतमस्तक होणारीही आहे आणि या प्रत्येक गोष्टीची प्रचिती गझलस्पंदन हा त्यांचा गझल संग्रह वाचताना येते.

कळी खुलते कशी राणी मनापासून हसल्यावर

किती दिसतेस तू सुंदर गुलाबी गाल झाल्यावर

हा शेरही त्याचीच साक्ष होय.

रसिकहो, अजय बिरारी यांच्या गझलस्पंदन या गझल संग्रहाचे आपण सारे उत्स्फूर्तपणे स्वागत कराल ही खात्री आहे.

- प्रशांत स. वैद्य

(ज्येष्ठ गझलकार, टिटवाळा)