'ज्येष्ठांशी हितगुज' या पुस्तकामध्ये समस्त ज्येष्ठ नागरिकांच्या जीवनात कळत-नकळत घडणाऱ्या, घडण्याची शक्यता असणाऱ्या घटना, समस्या व त्या त्या वेळी घ्यावी लागणारी काळजी, सावधानता आणि मानवी स्वभावातील काही उदाहरणे देऊन यथायोग्य निर्णय घेण्याची मानसिक तयारी याविषयी भाष्य करण्याचा प्रयत्न केला आहे. प्रत्येक ज्येष्ठ नागरिकाच्या जीवनात हे असंच घडेल असे नाही. परंतु अनेकांच्या आयुष्यात घडलेलं असल्यामुळे त्याची माहिती होणेही गरजेचे वाटते म्हणून ज्येष्ठांच्या संबंधित यथायोग्य भाष्य करण्याचा अल्पसा प्रयत्न केला आहे. ज्येष्ठांच्या संबंधित या पुस्तकात निर्देशित केलेल्या गोष्टीच घडतात असं नाही, तर त्याही पलीकडे अनेकानेक अनुभवही आहेत. परंतु पुस्तकाच्या लेखन मर्यादेचे भान राखून लिहिण्याचा प्रयत्न केला आहे.

(मनोगतातून)